Бу унинг проф боксдаги кетма-кет 11-ғалабаси Жалолов 11 жангини ҳам нокаут билан якунлади.
Профессионал бокснинг оғир вазн тоифасида (+90,7 кг) ҳаракат қилиб келаётган Баҳодир Жалолов (11-0, 11 КО) 11-июн тонгида Ню-Ёркдаги жанг кечасида рингга кўтарилди.
Шоwтиме томонидан ўтказилган мусобақада ўзбекистонлик боксчига белгиялик Жек Муловайи (11-3-1, 7 КО) рақиблик қилди.
Жалолов рақибини 8-раундда нокаутга учратди. Баҳодир чап томондан йўлланган кучли зарбаси билан белгияликни рингга қулатди. Баҳодир 6-раунда рақибини нокдаун ҳолатига ҳам туширганди.
Эслатиб ўтамиз, Жалолов сўнгги марта 18-март куни Дубайда Камил Соколовскига қарши рингга чиқиб, уни 5-раундда техник нокаут эвазига мағлуб этганди. Жек Муловайи эса сўнгг марта 16-апрел куни рингга чиқиб, грузиялик Гиорги Тамазашвили устидан ғалаба қозонган.
