Шанба куни эрталаб Хитойнинг Гуйчжоу провинциясида тезюрар йўловчи поезди тўсатдан кўчки туфайли рельсдан чиқиб кетди. Натижада бир киши ҳалок бўлди, яна саккиз киши жароҳат олди, дея хабар бермоқда Хитой марказий телевидениеси.
D2809 поезди Гуйян шаҳридан (Гуйчжоу провинцияси) Гуанчжоуга (Гуандун провинцияси) кетаётган эди. Ҳодиса маҳаллий вақт билан соат 10:30 да Жунцзян станцияси яқинида содир бўлган, у ерда тўсатдан кўчки темир йўл рельсларини босиб қолган. Фавқулодда ҳолат натижасида йўловчи поездининг иккита вагони рельсдан чиқиб кетган.
D2809 поезди Гуйян шаҳридан (Гуйчжоу провинцияси) Гуанчжоуга (Гуандун провинцияси) кетаётган эди. Ҳодиса маҳаллий вақт билан соат 10:30 да Жунцзян станцияси яқинида содир бўлган, у ерда тўсатдан кўчки темир йўл рельсларини босиб қолган. Фавқулодда ҳолат натижасида йўловчи поездининг иккита вагони рельсдан чиқиб кетган.
Телеканал маълумотларига кўра, машинист ҳалок бўлган, бир назоратчи ва етти нафар йўловчи жароҳатланган. Жабрланганлар маҳаллий шифохонага етказилган ва уларга тиббий ёрдам кўрсатилган. Қолган 136 нафар йўловчи зудлик билан эвакуация қилинган. Ҳодиса сабаблари ўрганилмоқда. Ҳодиса жойида қутқарув ишлари олиб борилмоқда.
