Илон Маск одамсимон робот прототипини эълон қилди. Режага кўра, роботлар ишлаб чиқарилиши 2023 йилда бошланиши керак, бироқ компания ишланмаларнинг бориши ҳақида ҳисобот бермаган.
Теslа ўзининг сунъий интеллект кунини 2022 йилнинг августидан 30 сентябрига кўчирди, чунки компания ўша вақтга келиб Optimus одамсимон робот прототипига эга бўлиши мумкин. Бу ҳақда Илон Маск Тwitter’да хабар қолдирди.
Маск биринчи марта 2021 йил август ойида, биринчи Теslа сунъий интеллект кунида одамсимон робот ишлаб чиқарилишини эълон қилди. Роботнинг бўйи тахминан 173 см, вазни — 57 кг бўлади, у 8 км/соат тезликда юради ва 20 кг гача нарсаларни кўтара олади.
2022 йил апрель ойида тадбиркор 2023 йилда одамсимон роботларнинг биринчи версиясини ишлаб чиқаришни бошлаш режасини эълон қилган эди. Шунингдек, Маск кадрлар етишмаслиги сабабли Теslа заводларида одамсимон роботлардан фойдаланишни таклиф қилган. Унинг фикрича, Optimus робот бизнеси Теslа учун “автомобиль бизнесидан кўра муҳимроқ бўлиши мумкин”.
