Самарқанд вилояти Ургут туманида 25-май куни Cобалт автомобили йўлни кесиб ўтмоқчи бўлган вояга етмаган болани уриб, учириб юборди. Ҳолат бўйича вилоят ИИБ ахборот хизмати маълумот берди.
Қайд этилишича, чоршанба куни Ургут туманининг Навоий Шох кўчасидан ўтувчи йўлида Cобалт русумли транспорт воситаси ҳайдовчиси туманнинг Пастки Калангар маҳалласида яшовчи 2006 йилда туғилган пиёда A.N.ni уриб юбориб, йўл-транспорт ҳодисаси содир қилган.
ЙТҲ натижасида пиёда турли жароҳатлар билан шифохонага ётқизилган.
Ҳолат юзасидан Ургут тумани ИИБ ҳузуридаги Тергов бўлими томонидан Ўзбекистон Республикаси Жиноят кодексининг 266-моддаси билан жиноят иши қўзғатилиб тергов ҳаракатлари олиб борилмоқда
