Хитойнинг жануби-ғарбидаги Чунцин шаҳри аэропортида бортида 122 киши бўлган Tibet Airlines авиакомпаниясининг самолёти учиш-қўниш йўлагидан чиқиб кетди ва ёниб кетди. Бу ҳақда South China Morning Post нашри хабар бермоқда.
Қайд этилишича, Airbus A319 бортида 113 йўловчи ва тўққиз нафар экипаж аъзоси бўлган. Уларнинг барчаси эвакуация қилинган, айримлари “енгил жароҳатлар” билан касалхонага ётқизилган.
Видеокузатув маълумотларига кўра, ёнғин ўчирилган ва учиш-қўниш йўлаги ёпилган.
Ҳозирча ҳалок бўлганлар ҳақида маълумот йўқ, ҳодиса сабаблари ҳали аниқланмаган.
