Президент Шавкат Мирзиёев айни вақтда Халқаро инвестиция форумида иштирок этмоқда. Давлат раҳбари ўз нутқи давомида фойдали қазилма бойликлари бўйича Ўзбекистон тутган ўринга тўхталиб ўтди. — Ўзбекистон фойдали қазилма бойликлари захираси бўйича дунёда 20 та давлат қаторига киради. Олтин бўйича иккинчи, мис бўйича еттинчи, вольфрам бўйича саккизинчи, кумуш — тўққизинчи, уран — ўн иккинчи ва табиий газ бўйича ўн олтинчи ўринни эгаллайди. Ушбу бой хом-ашё ресурсларини чуқур қайта ишлаш, келгуси беш йилда газ ва газ кимё, электроника, фармацевтика ва тўқимачилик бўйича 120 миллиард долларлик инвестицияларни жалб этиш бўйича аниқ лойиҳалар ишлаб чиқилган, — деди Шавкат Мирзиёев.