Бирлашган Миллатлар Ташкилоти Хавфсизлик Кенгаши бир ҳафта ичида иккинчи марта Украина атрофидаги вазиятни фавқулодда муҳокама қилиш учун йиғилди, Гутерриш Путинни «қўшинларнинг ҳужумини тўхтатишга» чақирди. Бу вақтда “Россия 24” президентнинг Донбассдаги операция бошланиши ҳақидаги мурожаатини кўрсатди.

БМТ Бош котиби Антониу Гутерриш Хавфсизлик кенгашининг фавқулодда йиғилишида Россия президенти Владимир Путинни Россия қўшинларининг Украинага ҳужумини тўхтатишга чақирди.

«Мен фақат бир нарсан айта оламан: Президент Путин, қўшинларингизни Украинага ҳужум қилишдан тўхтатинг, тинчлик учун имконият беринг, жуда кўп одамлар аллақачон ҳалок бўлган»,— деди у.

АҚШнинг БМТдаги элчиси Линда Томас Гринфилд Россия томонидан «Украинага кенг кўламли бостириб кириши» муқаррар, деди. «Биз руслар ҳаво ҳудудини қандай ёпаётганини, қўшинларни Донбассга олиб кираётганини ва кучларни жангга тайёр позицияларга олиб чиқиб кетаётганини кўриб турибмиз»,— деди у.

Гринфилднинг айтишича, Вашингтон Москвани «кеч бўлмасдан» музокаралар столига қайтишга ундамоқда. Унинг қўшимча қилишича, АҚШ Россиянинг ҳаракатларига “ягона нуқтаи назардан аниқлик ва ишонч билан” жавоб беришда давом этади.