Токио тиббиёт фанлари институти олимлари гуруҳи умр бўйи коронавирусдан ҳимоя қилувчи иммуниет шакллантирадиган вакцина ишлаб чиқмоқда.

Japan Times шанба куни хабар беришича, клиник синовлар 2023 йилда бошланиши мумкин.

Профессор Мининори Кохарай бошчилигидаги мутахассислар 18 асрда британиялик шифокор Эдвард Женнер томонидан ишлаб чиқилган чечакка қарши вакцинани асос сифатида олдилар. Унда одамлар учун зарарли бўлмаган чечак вируси мавжуд. Вакцина инсониятни қутқарди.

Япониялик олимлар чечакка қарши вакцинанинг рекомбинант вирусини яратишни режалаштирмоқда. Унинг таркибида SARS-Cоv-2 вируси оқсили мавжуд. Уларнинг фикрича, бу ёндашув коронавирусга қарши умрбод иммунитетни шакллантиришга ёрдам беради.

Тажрибалар чечакка қарши рекомбинант вакцина ёрдамида сичқонларда ўтказилди, бунинг натижасида антитанача даражаси юқори бўлди ва 20 ойдан ортиқ давом этди. Бундан ташқари, 20 ой ўтгач, парранда гриппи билан касалланган сичқонлар омон қолишди.

«Мен турли хил вакцина технологияларини синаб кўрдим, масалан, аденовирус ва РНК вакциналари, аммо чечакка қарши вектор вирусли вакциналар энг яхши эканлигини исботлади», – деди Кохара.

Унинг сўзларига кўра, вакцинанинг кичик ножўя таъсирлари бор ва улар ташиш ва сақлаш учун алоҳида шартларни талаб қилмайди.