Баҳорги семестрда узрли сабабларга кўра ўқишни кўчириш тўғрисидаги аризаларни қабул қилиш бўйича ҳудудий ИШЧИ ГУРУҲЛАРИ фаолияти йўлга қўйилган.
Ҳудудий ишчи гуруҳлари 2022-йилнинг 20-январ кунига қадар (шу куни ҳам) соат 9:00 дан 17:00 гача (якшанба ва байрам муносабати билан белгиланган саналар – дам олиш куни; шанба – соат 9:00 дан 15:00 гача) фаолият кўрсатади.
Қайд этилган низомга мувофиқ фуқаролар баҳорги семестрда қуйидаги узрли сабабларга кўра ҳудудий ишчи гуруҳларига ариза топширишлари мумкин.
2021/2022-ўқув йили мобайнида:
республиканинг бир ҳудудидан иккинчи ҳудудига доимий яшаш учун ёки турмушга чиқиш муносабати билан турмуш ўртоғи доимий яшайдиган (доимий рўйхатдан ўтган) ҳудудга кўчиб ўтганда;
турмуш ўртоғи ёки ота-онаси ҳарбий хизмат ўташ жойини ўзгартирганда;
ота-онаси (турмуш ўртоғи) хориждаги давлат хизматидан қайтганда.
Ушбу сабаблардан бошқа ҳолатларда фуқаролар ўқишни кўчириш бўйича умумий тартибда ҳар йили 15-июлдан 5-августга қадар ариза билан мурожаат қилишлари мумкин.