Давлат ва жамият эҳтиёжлари учун ер участкаларини олиб қўйилиши муносабати билан жисмоний ва юридик шахсларга етказилган зарарларни қоплаш бўйича марказлашган жамғарма харажатларига яна 50 млрд сўм ажратиш кўзда тутилмоқда.
Бу Олий Мажлис Қонунчилик палатасининг навбатдаги мажлисида учинчи ўқишда қабул қилинган “2021-йил учун Ўзбекистон Республикасининг Давлат бюджети тўғрисида”ги Қонунига ўзгартишлар киритиш ҳақида”ги қонун лойиҳасида ўз аксини топган.
Қайд этилишича, йил бошида буён ушбу мақсадлар учун 150 млрд сўм тасдиқланган бўлиб, иккинчи марта мазкур қонунга киритилган ўзгартишга кўра бу сумма 123 млрд сўмга оширилган.
Олий Мажлис Қонунчилик палатасида бўлиб ўтган мажлисда шунингдек, ушбу мақсадлар учун келгуси йили давлат бюджетидан 500 млрд сўм ажратилиши маълум қилинди.
