Россиянинг янги зарбдор учувчисиз қурилмаси Новосибирск авиация заводидан чиқарилди. Энди қурилманинг илк парвози ўтказилади. Бу ҳақда Россия мудофаа вазири ўринбосари Алексей Криворучко айтган.
Қайд этилишича, қурилманинг бошқалардан энг катта фарқи двигатели соплосининг ясси эканлиги. «Сухой» конструкторлик бюросида яратилган С-70 «Овчи» «стелс» технологияси бўйича «учар қанот» схемасида яратилган бўлиб, бу унинг радиолокацияда кўринишининг олдини олади.
Учувчисиз қурилманинг учиш массаси 20 тоннани ташкил этади. Унинг максимал тезлиги 1000 км/с деб айтилмоқда. 2024-йилдан аппаратни серияли ишлаб чиқариш режалаштирилмоқда.
