Польшада ноқонуний яшовчи ўн нафар муҳожир эрталаб ёқилғи қуйиш шаҳобчасида полиция томонидан қўлга олинган.

Чегарани ноқонуний кесиб ўтганликда айбланиб қўлга олинганлар орасида икки нафар Ўзбекистон фуқароси бор, деб хабар берди PolskieRadio24.

Чегарада «Skoda» автомобили 8 нафар ироқликни олиб ўтишга ҳаракат қилган.

Бир кун аввал полиция чегарани ноқонуний кесиб ўтишда иштирок этганликда айблаб, уч украиналик ва бир Тожикистон фуқаросини қўлга олган. Бундан ташқари, курьерлар ҳам чегарани ноқонуний кесиб ўтган 39 кишини олиб ўтмоқчи бўлган.

Эслатиб ўтамиз, ноябрь ойи бошида минглаб муҳожирлар Польша-Беларусь чегарасига йўл олган эди. 12 ноябрь куни қочқинлар Польша чегарасини бузиб ўтишга муваффақ бўлган, бироқ кейинроқ улар хавфсизлик ходимлари томонидан қўлга олинган.