ЖССТ раҳбари Тедрос Гебрейесус Берлиндаги Бутунжаҳон соғлиқни сақлаш конференцияси очилишида сўзлаган нутқида инсоният коронавирус пандемиясини енгиб ўтишининг учта асосий шартини санаб ўтди.
—COVAX механизми бўйича вакцина етказиб бериш устувор вазифага айланса;
—G20 давлатлари вакцинани тарқатиш бўйича ўз мажбуриятларини бажарса;
—Вакцинани ишлаб чиқувчилар интеллектуал мулк ҳуқуқларини бекор қилиб, технология ва лицензиялар билан бўлишсалар.
ЖССТнинг Европа бўйича минтақавий директори Ханс Клюгенинг таъкидлашича, соғлиқни сақлаш тизимига ортиқча юкланиш ҳолати бўлмаса, ЖССТ коронавирус пандемияси тугаганлигини эълон қилиши мумкин.
