2021 йилнинг январь-ноябрь ойларида Ўзбекистон қарийб 23 155 та енгил автомобиль импорт қилган. Бундан Давлат статистика қўмитаси маълумотлари дарак бермоқда.

25 та хорижий давлатлардан олиб келинган бу автомобилларнинг қиймати 502,8 млн долларга тенг бўлган.

Импорт қилинган автомобиллар ўтган йилнинг мос даври билан солиштирилганда 179 тага камайган.

Автомобиллар энг кўп Хитой (6 963) , Жанубий Корея (5 630), Россия (4 167) ва Қозоғистондан (3 731) харид қилинган.

Импорт қилинган мамлакатлар орасида Польша (1 204), АҚШ (479), Литва (427), Таиланд (250), Германия (103) ва Япония (88) ҳам бор.