Марказий сайлов комиссияси президентлик сайловининг якуний натижаларини эълон қилди
Сайлов бюллетенларини олган сайловчилар сони – 16 миллион 212 минг 343 нафарни ташкил этган.
Овоз беришда иштирок этган сайловчилар томонидан ҳар бир номзодни ёқлаб берилган овозлар сони қуйидагича:
Ўзбекистон Либерал-демократик партиясидан номзод Мирзиёев Шавкат Миромоновичга – 12 миллион 988 минг 964 нафар ёки овоз беришда иштирок этган сайловчиларнинг 80,12 фоизи;
Халқ демократик партиясидан номзод Ворисова Мақсуда Азизовнага – 1 миллион 75 минг 16 нафар (6,63%);
«Миллий тикланиш» демократик партиясидан номзод Қодиров Алишер Келдиевичга – 888 минг 515 нафар (5,48%);
Экологик партиядан номзод Обломурадов Нарзулло Наимовичга – 670 минг 641 нафар (4,14%);
«Адолат» социал-демократик партиясидан номзод Абдуҳалимов Баҳром Абдураҳимовичга – 549 минг 766 нафар (3,39%).
Ҳақиқий эмас деб топилган сайлов бюллетенларининг сони – 39 минг 443 тани ёки 0,24 фоизни ташкил қилди.
