Инновацион ривожланиш вазирлиги ҳузуридаги Илғор технологиялар маркази Ўзбекистонда аниқланган коронавирус инфекцияси ҳолатларини ўрганиш натижаларини эълон қилди.

Илмий тадқиқотлар натижаларига кўра, «дельта» штаммининг улуши 82 фоизни ташкил этади, бу бутун кузатувлар тарихидаги энг юқори кўрсаткичдир. Иккинчи ва учинчи ўринларни Alpha (10,3 фоиз) ва 20А (7,7 фоиз) штаммлари эгаллашди.

«Сўнги ҳафталарда коронавируснинг «дельта» варианти умумий касалланишлар сонининг бешдан тўртидан ошди. “ҳиндча» штамми, деб номланувчи вирус тури “Ухан” ва “Британия” версияларига қараганда кўпинча касалликнинг оғир шаклларига олиб келиши ҳавотирга солади. Бу умуман эпидемиологик манзарани тубдан ўзгартиради.

Афсуски, симптомсиз ҳолатлар камроқ учрамоқда ва инкубация даври қисқариб, соғлиқ учун жиддий оқибатлар хавфини кучайтиради», – деди Илғор технологиялар маркази директори Шаҳлохон Турдиқулова.