Таҳририятимизга Денов шаҳар, «Нуристон» 14-сонли маҳалласи, «Алпомиш» кўчаси, 96-уйда яшовчи М.З.Йдан мурожаат келиб тушди. Унда айтилишича, мурожаатчининг собиқ турмуш ўртоғи М.Ш.Р 7 йил давомида 2014-йилда туғилган фарзанди учун алимент пулларини тўлашдан бош тортиб келган. Ушбу муддат давомидаги алимент қарздорлиги эса қарийб 15 млн. сўмга етган. Ёлғиз она алимент пулларини ундириш масаласида кўп бора туман прокуратурасига мурожаат қилган. Шундан сўнг, 2021-йилнинг 7-май куни Жиноят ишлари бўйича Денов туман судининг очиқ суд мажлисида ҳуқуқбузар М.Ш.Рга оид маъмурий ҳуқуқбузарлик тўғрисида ишни кўриб чиқиб, унга нисбатан алимент пулларини тўлашдан қасддан бўйин товлаб келганлигини аниқлаб, 15 сутка қамоқ жазоси тайинланган. Жавобгар М.Ш.Р белгиланган жазо муддатини ўтаб чиққан бўлсада, 1 нафар вояга етмаган фарзанди учун ҳозирга қадар қарийб 15 млн.га яқин алимент пулларини тўлашдан бош тортиб келмоқда.
Денов туман мутасадди раҳбарлари ва МИБ туман бўлими ушбу мурожаатга эътибор қаратишларини ҳамда ёлғиз онага алимент пулларини ундиришда амалий ёрдам кўрсатишларини сўраймиз.