Кеча, 25 июл куни Жанубий Норвегия осмонини катта метеорит қисқа вақт ичида ёритиб, таъсирчан овоз ва ёруғлик эффектини ҳосил қилди. Бу ҳақда «Дождя» телеканали хабар қилмоқда.
Мутахассисларнинг фикрича, унинг кичик бир қисми Осло яқинида Ерга тушган бўлиши мумкин. Метеорит осмонда маҳаллий вақт билан соат 01:00 атрофида (ГМТ 23:00) пайдо бўлганидан кейин камида беш сония давомида кўриниб турган. Обект осмонни ёритганидан сўнг, уфқдан ташқарида ғойиб бўлган. Метеорит Осло шаҳридан 60 километр ғарбда жойлашган Финнемарка деб номланган ўрмонзорга тушган деб ҳам тахмин қилинмоқда.
Мутахассислар ушбу метеорит Марс ва Юпитер сайёралари ўртасида жойлашган астероид камаридан келган бўлиши мумкинлигини айтган.
Маълум бўлишича, тахминан 16,3 км / с тезликда ҳаракатланадиган метеорит жанубий Скандинавиянинг аксарият қисмида ҳам кузатилиши мумкин.
