Бугун Япониянинг Токио шаҳрида XXXII ёзги Олимпия ўйинлари расман очилади. Кеча эса бир қатор спорт турлари бўйича қуръа ташлаш маросимлари ўтказилиб, олимпиячилар ўз рақибларини билиб олишди. Жумладан, таеквондо мусобақаларига ҳам қуръа ташланди.

Унга кўра, 25-июл куни даянга чиқадиган Улуғбек Рашитов дастлабки босқичда Мали давлати спортчиси Сейду Фофанага қарши жанг қилади. Ушбу жуфтлик ғолиби 1/8 финалда кореялик Ли Дае Хун билан куч синашади.

26-июл куни Нигора Турсунқулова нимчорак финалда хитойлик Жанг Менгю билан тўқнаш келади. Худди шу куни ҳамюртимиз Никита Рафалович нимчорак финалда Доминикан Республикаси вакили Мойзес Эрнандес билан жанг қилади.

Ниҳоят 27-июлда Светлана Осипова 1/8 финалда қозоғистонлик Жансел Дениз билан баҳс олиб боради.