Сиз дарҳол бирор ўзгариш сезмаслигингиз мумкин, аммо бу яхши ҳолат ҳам эмас. Кўз тўр пардасида оғриқ сезувчи рецепторлар мавжуд эмас. Шу сабабли кўз зарарланганда ҳам буни сезмаслигингиз мумкин.

Қуёш ўзидан инфрақизил ва ультрабинафша нурлар таратади. Қуёшга тик қараганда шу иккала нур ҳам кўз тўр пардасига тушади. Бундан ташқари, тўр пардада жуда таъсирчан ҳужайралар мавжуд бўлиб, улар кўз ўткирлигининг энг юқори нуқтаси ҳисобланади. Қуёш нурлари таъсирида эса бу ҳужайралар зарарланиши мумкин.