Индонезиянинг Жакарта шаҳри яқинида Имом ал-Бухорий номидаги масжид очилди. Хабар қилишларича, масжиднинг ғояси ва дизайни шарқона миллийликка хос кўринишга эга.

Масжид очилишида Бош вазир ўринбосари Азиз Абдуҳакимов онлайн нутқ сўзлади.

Масжид ва унинг атрофидаги бинолар Ўзбекистоннинг турли шаҳарларидаги биноларга ўхшатиб қурилган. Бу ерга ташриф буюрган зиёратчилар Ўзбекистон маданий меросидан баҳраманд бўлиб, намоз ибодатларини адо этиш имкониятига эга бўладилар.