Бош прокуратура ҳузуридаги Иқтисодий жиноятларга қарши курашиш Департаментининг Узун туман бўлими томонидан Узун туман халқ таълими бўлимида ўтказилган терговолди текширишда, бўлим ғазначиси Ғ.А. туман халқ таълими бўлимига қарашли умумий ўрта таълим ва ихтисослаштирилган мактабларнинг ўқитувчи ва техник ходимларига
2020 йил октябрь ойи учун бўнак иш ҳақидан 108,1 млн. сўм нақд пулни ўзининг шахсий эҳтиёжларига ишлатиб, бюджет маблағларини талон-тарож қилганлиги аниқланган. Мазкур ҳолат юзасидан ҳуқуқбузарга нисбатан Ўзбекистон Республикаси ЖКнинг тегишли моддалари билан жиноят иши қўзғатилиб, тергов харакатлари олиб борилмоқда.

PS: Яқинда Халқ таълими вазири “хиёнаткорлар” дегани учун Қобил Дўсовни судга бериб, мазкур давоси қаноатлантирилишига эришди. Бизнингча, ушбу жараёнлар учун сарфланган қувват ва харажатлар соҳада молиялаштириш тизимини шаффофлаштиришга, назоратни кучайтиришга йўналтирилса, мақсадга мувофиқ бўларди. Албатта, юқоридаги сингари талон-тарожликлар ҳақида эшитаверсанг, нафақат “хиёнаткорлар” балки бундан бадтар сўзлар дилдан тилга чиқиб кетиши мумкин-да.