Ижтимоий тармоқларда бир неча кундирки, олтинсойлик Исроил Шайимқуловнинг мурожаати «айланмоқда». Суриштирувларимизда маълум бўлишича, фуқаро қуйидаги ҳолатларга изоҳ сўраяпти. Айтилишича, жорий йилнинг 6 сентябрь куни «Зардақул» маҳалла хотин-қизлар маслаҳатчисининг хонадонида ўтказилган тўйдан спиртли ичимлик ичган маҳалла раиси Пардабой Примқулов ҳамда профлактика инспектори Ҳатамов Асомиддин жамоат жойида Шайимқулов Исроилни уриб, унга тан жароҳати етказишади. Масъуллар эркакни ҳар хил қўпол сўзлар билан хақорат қилишади кейин инспектор хонасига олиб бориб қўлига «наручник» тақишади ва «сенинг киминг бор, хоҳлаган жойингга бор, фалондай қилиб юбораман», деб роса дўқ-у сиёсат қилишади. Видеомурожаатда келтирилишича, кайфи тарқаб, қилган қилмишлари учун қонун олдида жавоб беришларини англаб етган маҳалланинг «зўр»лари ИСРОИЛЖОНнинг онасига бориб учрашишган. Ўғлининг даво қилмаслиги учун 8 миллион бериб, қўрқитиб пулни яна қайтариб олмоқчи бўлишган экан. Хўш, мазкур иддаолар қанчалик тўғри?! Бу хусусда ҳуқуқ ҳимоячиларидан жавоб сўраймиз.
