Олимлар Сомон йўлидан узоқроқда борган сари яқинлашиб келаётган иккита йирик қора туйнукнинг тўқнашуви натижасида фазо-вақтдаги тўлқинларни аниқладилар. Бу ҳақда The Guardian хабар бермоқда.
Тўлқинлар Вашингтон ва Луизианадаги LIGO гравитацион тўлқин детекторлари томонидан аниқланган.
Ҳар бирининг массаси Қуёшникидан 100 баравар кўпроқ бўлган қора туйнуклар узоқ вақт давомида бир-бирини айланиб юрган ва ниҳоят тўқнашиб, Ердан 10 миллиард ёруғлик йили узоқликда янада каттароқ қора туйнук ҳосил қилган.
Олимларнинг таъкидлашича, бундай катта қора туйнуклар юлдузларнинг одатий эволюцияси натижаси бўлиши мумкин эмас. Бу объектлар, эҳтимол, олдинги бирлашишлар натижасидир.
