Олимлар инсоният тарихида биринчи марта Қуёшнинг илгари кузатиш имкони бўлмаган жанубий қутбини кўришди – ноёб тасвирлар Solar Orbiter коинот зонди ёрдамида олинди.

The Guardian нашрининг хабар беришича, NASA иштирокида Европа коинот агентлиги (ESA) томонидан ишлаб чиқилган қурилма қуёш экваторидан 15° пастга тушиб, юлдузнинг жанубий қутб минтақасини суратга олиш имконини берди.

Янги суратларда ялтираб турган ёрқин атмосфера акс этган, унинг ҳарорати баъзи жойларда Цельсий бўйича миллион даражага етади. У қуюқроқ газ булутлари билан кесишган, улар анча совуқроқ бўлса-да, ҳали ҳам юз минг даража ҳароратга эга.

“Бугун биз инсоният тарихида биринчи марта Қуёшнинг жанубий қутбининг суратларини намойиш этяпмиз. Бизнинг энг яқин юлдузимиз, ҳаёт бағишловчи ва ҳозирги фазо ва ердаги энергия тизимларини потенциал бузувчиси сифатида биз унинг қандай ишлашини тушунишимиз ва унинг ҳаракатларини башорат қилишни ўрганишимиз жуда муҳимдир. Solar Orbiter миссиямиздан олинган ушбу янги, ноёб тасвирлар қуёшни тадқиқ қилишнинг янги даврининг бошланишини англатади”, деди ESAнинг фан бўйича директори Кэрол Манделл.

ESA Қуёш қутбларининг магнит тузилишидаги ўзгаришларни кузатиш Қуёш циклини, жумладан, Ердаги электр тармоқлари ва сунъий йўлдош алоқаларига таъсир кўрсатиши мумкин бўлган чақнашлар ва магнит бўронларини башорат қилиш учун калит эканлигини таъкидлади.

1,3 миллиард долларлик Solar Orbiter миссияси 2020 йилда ишга туширилган, деб хабар беради report.az.