1986 йилда Антарктика музлигидан ажралиб чиққан ва бир йилдан кўпроқ вақт олдин очиқ океанга чиққан дунёдаги энг катта айсберг А23а очиқ сувда сузиш пайтида ўз майдонининг тахминан 9 фоизидан айрилди.
Бу ҳақда Арктика ва Антарктика тадқиқот институти матбуот хизмати маълум қилди.
“Дунёдаги энг катта айсберг А23а Жанубий Георгия оролидан тахминан 300 километр узоқликда силжишда давом этмоқда. Шуниси эътиборга лойиқки, сўнгги пайтларда эриш туфайли айсбергнинг ҳажми қисқара бошлаган, 2023 йилнинг ноябрь ойидан бошлаб очиқ сувда сузиш пайтида у ўз майдонининг тахминан 9 фоизини йўқотган. 2025 йилнинг дастлабки икки ҳафтасида айсберг ҳақиқатан ҳам Жанубий Георгия ороли томон ҳаракатланаётган эди. Бироқ, сўнгги ҳафтада, 15-23 январь оралиғида А23а йўналишини ўзгартириб, ғарбга чекинишни бошлади, бу сунъий йўлдош тасвирларида аниқ кўриниб турибди. Унинг кейинги йўналиши шамол ва океаннинг бу қисмидаги оқимларга боғлиқ бўлади, аммо у оролдан ўтиши мумкин”, дейилади институт хабарида.
Сайёрадаги энг катта айсберг А23а 1986 йил сентябрь ойида Фильхнер муз шельфининг ташқи четидан бўлиниб кетди. Айсберг Уэдделла денгизи марказий қисмида 30 йилдан ортиқ вақт давомида туриб қолган эди. 2023 йил ноябрь ойининг ўрталарида дрифт натижасида очиқ сувга чиқиб кетди, деб хабар беради report.az.
