Хитой Британия ва Лондоннинг Ҳинд-Тинч океани минтақасидаги манфаатларига таҳдид солаётгани таъкидланмоқда.

Британия парламенти Жамоатлар палатасининг ташқи ишлар бўйича қўмитасининг таъкидлашича, Хитой Британия ва Лондоннинг Ҳинд-Тинч океани минтақасидаги манфаатларига таҳдид солмоқда. Ушбу ҳолатга қўмита “Хитойнинг Британияга нисбатан сиёсати “тажовузкорликнинг кучайиши”, деб атади.

“Қўмита Хитой Коммунистик партияси фаолиятини Бирлашган Қироллик ва унинг манфаатларига таҳдид деб тан олади. Қатъийликнинг кучайиши халқлар ўртасидаги рақобатга хосдир, аммо Хитой Коммунистик партиясининг хатти-ҳаракати ҳозирда Буюк Британияга нисбатан тажовузкорликнинг кучайиши билан тавсифланади”, дейилади қўмита ҳисоботида.

Бундан ташқари, ҳужжатда Лондонга иттифоқчилар билан мудофаага йўналтирилган сиёсатни кучайтириш, шу жумладан Тайван “мудофааси” учун “тўхтатувчи дипломатия”ни ривожлантириш бўйича тавсиянома ҳам мавжуд.