Жарқўрғон туманидаги «Сурхонцементинвест» хорижий корхонаси 2-босқичига 65 млн долларлик инвестиция йўналтириш кўзда тутилган. Натижада ишлаб чиқариш ҳажми йилига 700 минг тоннага етади. Ҳозир корхонада йилига 450 минг тонна цемент ишлаб чиқарилмоқда.
Завод тўлиқ қувват билан ишлай бошлагач, йилига 1,1 миллион тонна цемент ишлаб чиқарилади ва 750 минг тонна цемент экспорт қилинади. Бунинг натижасида 1 125 киши иш билан таъминланади. Ҳозир бу ерда 700 киши ишламоқда.
Кейинги босқичларда эса лойиҳа қиймати 5,5 млн долларга тенг гидратланган оҳак, 2,9 млн долларлик қуруқ қурилиш аралашмалари ҳамда 3,9 млн долларлик темир-бетон маҳсулотлари тайёрлаш лойиҳалари амалга оширилса, ишчилар сони 1400 нафарга етади.
