Ўзбекистон Республикаси Ветеринария ва чорвачиликни ривожлантириш давлат қўмитасида Жаҳон банки экспертлари иштирокида Ўзбекистонда чорвачилик ва унинг тармоқларини ривожлантиришнинг 2020-2030 йилларга мўлжалланган стратегияси муҳокамаларига бағишланган видеоанжуман шаклида тадбир бўлиб ўтди.

Унда Ўзбекистонда чорвачилик тармоқларини ривожлантиришда хорижий тажрибаларни ўзлаштириш, чорвачилик комплексларини кўпайтириш, чорва наслини яхшилаш каби масалалар муҳокама қилинди. Соҳани янада ривожлантириш учун илмий тадқиқотлар олиб бориш, замонавий технологиялар ва илғор хорижий тажрибаларни кенг жорий этиш каби жиҳатларга ҳам эътибор қаратилди.

Жаҳон банкининг халқаро экспертлари Ўзбекистонда чорвачиликни ривожлантириш стратегиясини тўла қўллаб-қувватлашини билдирди.

Манба:ЎзА