Коррупционер амалдорларни отиш ташлаш, коронавирус билан касал бўлишига қарамай бошқа одамларнинг ҳаётини хавфга қўйиб карантин талабларига риоя қилмаганларга нисбатан қурол ишлатишга рухсат берган Филиппин Президенти Родриго Дутерте яна бир эътиборни тортадиган баёнот билан чиқди.

11 август куни ҳукумат сайтида эълон қилинган давлат раҳбарининг мурожаатида, Родриго Дутерте мамлакатдаги расмий тиллар – инглиз ва филиппин тилларида россиялик олимларнинг COVID-19 қарши вакцинасини клиник синовларида филиппинликлар кўнгиллилардан бири сифатида иштирок этишга тайёр эканини айтиб ўтди.

Синов вакцинаси маълум бир аҳоли гуруҳида, ихтиёрий синаб кўрилади. Бошқа эътироз ва танқидлар бўлмаслиги учун, вакцинани кўнгилли равишда Президентнинг ўзида ҳам синаб кўришларини, ҳамманинг гувоҳлигида синов вакцинасини Родриго Дутерте ўзига ҳам қилишларига ваъда берди.

Маълумот учун: Родриго Дутерте – 1945 йил 28 мартда туғилган. Маълумоти бўйича юрист. 2016 йил 30 июндан Филиппин Президенти.