Коронавируснинг янги турига қарши вакцинани ўзида синовдан ўтказган Сеченов университетининг барча кўнгиллиларида иммунитет шаклланди.

Бу ҳақда «РИА Новости» Сеченов университетининг Дори воситаларини клиник ўрганиш маркази раҳбари Елена Смолярчукка асосланиб ёзди. У кўнгиллиларда «биринчи ҳимоя» бир неча кундан кейин пайдо бўлганини таъкидлаган.

«Барча кўнгиллиларда иммунитет бор эди… Бу вакцинани киритишга бўлган индивидуал реакция бўлиб, одатда, бир неча кун давом этади», деди максимал иммунитет уч ҳафтадан сўнг ривожланишини қўшимча қилган мутахассис.

Вакцинанинг самарадорлиги исботлангач, иммунитетнинг “Covid-19” га нисбатан қанча муддат қарши тура олиши аниқланадиган каттароқ синовлар ўтказилади.