Термизлик Барчинойнинг давлат хизматлари марказидан тадбиркор сифатида рўйхатдан ўтиб, тикувчилик фаолиятини бошлаганига ҳали кўп бўлгани йўқ. Аммо, у қисқа фурсатда ўзининг моҳир чевар қиз эканини  намоён этди.

—Тадбиркорликни бошлашдан олдин сал иккилангандай бўлдим,-дейди Б.Каримова. —Бир ўзимнинг қўлимдан нима ҳам келарди. Ҳали ёш бўлсам, тажрибам ҳам ўзимга яраша. Ундан кўра, биттагина тикув машинасида бўлса ҳам аста-секин уй ишларимни қилаверсамчи, деган ўй ўтди хаёлимдан. Сўнгра, давлат хизматлари марказига бордим. У ерда менга мутахассислар кредит олиш тартиби, фаолиятни кенгайтириш йўллари ҳақида тушунчалар берди. Шундан сўнг, тадбиркорлигимни расмийлаштириб, Ҳунармандлар уюшмаси Сурхондарё вилоят бошқармасидан 30 млн сўм кредит  олдимда, тикув машиналарим сонини кўпайтириб тикувчиликни бошладим.

Ҳозирда Барчиной ўзи тенги яна олти нафар қизни иш билан таъминланган. Тикувчилик цехида спорт кийимлари ишлаб чиқармоқда. Маҳсулотлари ҳозирча маҳаллий бозордан ортмаяпти. Келажакда қўшни давлатларга ҳам экспорт қилишни режалаштирган. Экспортга илк манзил сифатида Афғонистон бозорини кўзлаб турибди.

Салоҳиддин Норқобилов