Франциядаги дунёга машҳур Лувр музейи 16 ҳафталик карантиндан сўнг яна қайта очилди. Ташриф буюрувчилар учун бир қанча чекловлар бор: улар залларнинг учдан икки қисмига кириши мумкин. Шунингдек, барча сайёҳлар ниқобда бўлиши ва ижтимоий масофа сақлашлари лозим. Меҳмонлар чипталарни олдиндан брон қилиб қўйишлари талаб этилади. Бинога кириш эса фақат пирамида остида жойлашган асосий кириш йўли орқали амалга оширилади.
2019 йилда Луврга 9,6 миллион киши ташриф буюрган. Музей директори Жан-Люк Мартинес бу ерга келувчи сайёҳларнинг сони ўтган йилгги кўрсаткичнинг 20-30%нигина ташкил этиши мумкинлигини айтмоқда.
