АҚШнинг бир нечта шаҳарларида полиция ҳаракатларига қарши норозиликларнинг янги тўлқини пайдо бўляпти. Бунга сабаб жума куни Атланта шаҳрида яна бир афро-америкаликнинг ҳибсга олиш жараёнида отиб ўлдирилганлиги бўлди.

Ушбу қоидабузар фуқаро қонида алкогол мавжудлиги бўйича тест топширишдан бош тортган. Ҳуқуқ-тартибот органлари xодимларига қаршилик кўрсатганида эса  полиция уни отиб ўлдирган. 27 ёшли Рейшард Брукснинг ўлими Нью-Йоркда ўтказилаётган норозилик намойишларини кучайтириб юборди. Намойишчилар Атланта шаҳрида жойлашган, Рейшард Брукс қўлга олинган  ресторанни ёқиб юборишган. Шаҳар полиция бошқармаси бошлиғи дарҳол истеъфога чиқарилди.