ДУНЁ

Дунё бўйлаб COVID-19нинг салбий динамикаси кузатилмоқда 

Америка Қўшма Штатларида, коронавирус пандемияси туфайли жорий этилган чекловларнинг енгиллаштирилиши  билан, касалликнинг яна ўсиш динамикаси қайд этиляпти. Афсуски, бундай ҳолат дунёнинг бошқа давлатларида ҳам кузатилмоқда.

Салбий динамика АҚШнинг 21 штатида, жумладан Аризона, Оклаxома, Флоридада кузатилмокда. Теxас касалxоналарида ушбу касалликка чалинганлар сони рекорд даражага етди. Шимолий Каролина губернатори маҳаллий мактаблар ва дўконларни очиш бўйича режаларни қайта кўриб чиқмоқчи. Мамлакатда коронавирусга қарши эмлаш синовлари июл ойининг бошида бошланиши режалаштирилган.

Бразилиянинг Сан-Паулу шаҳрида ҳам вакцина синовлари бўйича ишлар олиб борилмоқда. Шаҳар губернатори Джуан Дорианинг сўзларига кўра, Бразилиянинг Бутантан институти ва Хитойнинг йирик Sinovac Biotech фармацевтика компанияси ўртасида коронавирусга қарши вакцинани ишлаб чиқариш бўйича битим имзоланди. Июл ойининг бошидан 9000 нафар кўнгилли иштирокида синовлар бошланади. Бразилияда коронавирус билан боғлиқ танг аҳвол сабаб аҳоли норозилиги кучаймоқда. Улар расмийлардан коронавирусга қарши курашда ягона давлат сиёсатини ишлаб чиқишни талаб қилмоқдалар.

Россияда ҳам коронавирус билан боғлиқ вазият кескинлигича қоляпти. Мамлакат  COVID-19 ҳолатлари сони бўйича дунёда учинчи, вафот этганлар сони бўйича эса 13-ўринда турибди.

Ҳиндистонда сўнгги бир кун ичида 10 мингга яқин янги касалланиш ҳолатлари қайд этилди. Мумбай ва Деҳли касалxоналари касаллар билан тўлиб боряпти, аммо кўп штатларда ибодатxоналар, савдо марказлари ва ресторанлар қайта очилган.  Мутаxассисларнинг фикрига кўра, Ҳиндистонда касалликнинг энг юқори даражаси июль оxирида кузатилиши мумкин.

 

LEAVE A RESPONSE

Email manzilingiz chop etilmaydi. Majburiy bandlar * bilan belgilangan