Португалиялик Роналду илк миллиардер футболчига айланди. Бу ҳақда Форбес журнали хабар бермоқда.
Футболчи 2019-йилда 105 миллион доллар ишлаб топган. Шу кунларда эса «Ювентус» форварди 1 миллиард долларлик маррани забт этди.
Шундай қилиб, футболчи миллиардер спортчи сифатида боксчи Флойд Мейвейзер ва голфчи Тайгер Вудсларнинг сафига қўшилди.
Қайд этиш керакки, Форбес бунда Роналдунинг бутун фаолияти давомидаги олган пуллари, иш ҳақи, ҳомийлик ва бошқа инвестицияларни ҳисоблаб чиққан.
