Киця лақабли мушук ўзининг жиддий қиёфаси билан ижтимоий тармоқлар “юлдуз”ига айланди. Киця 6 йил аввал Житомирдан кўчиб келган хўжайини украин Вииктория Отдельнова билан Флорида шатининг Орландо шаҳрида яшайди, деб ёзмоқда “Сегодня” нашри.

Викториянинг айтишича, мушукни унга турмуш ўртоғи совға қилган ва жонивор аввалига одатдагидек бўлган. “Аммо, ёши улғайган сари қиёфасини кулгили ва жиддий тарзда ўзгартирадиган бўлган.” Киця соғлом, унда ҳеч қандай хасталик аломатлари йўқ, дея таъкидлайди Виктория. Унинг қўшимча қилишича, Киця фақат хўжайинларини танийди, агар бегона киши қўл узатса жиддий қиёфага кириб олади.

2018 йилда Виктория Instagramда аккаунт очиб, унга мушугининг суратларини жойлаштиргандан кейин танила бошлаган. Айни пайтда ушбу @grumpy_kitzia саҳифаси 47 мингдан обуначига эга. Кицянинг хўжайини уларга, ҳатто, банк хизматлари соҳасида ҳам тижорат таклифлари қилинаётганини айтган.