Австрия Фанлар академияси (IMBA) қошидаги Молекуляр биотехнология институти олимлари озишга жавобгар генни аниқлади.
Шу ҳақдаги тадқиқот натижалари «Cell» журналида эълон қилинган бўлиб, олимларнинг фикрича ушбу ген ёрдамида «сарвқоматлик дориси»ни яратиш мумкин.
Аниқланишича, инсон организмида ALK гени мутацияси вазн йўқотишга олиб келади. Яъни мазкур ген синтезини ҳаракатга келтириш орқали танадаги ортиқча ёғларни йўқотиш мумкин бўлади.
Тадқиқот муаллифларидан бири Майкл Ортхофернинг айтишича, ALK саратон касаллиги нуқтаи назаридан кенг ўрганилган, аммо бу геннинг биологик роли ҳақидаги маълумотлар жуда кам.
Ҳайвонлар ва ҳашаротлар устидан ўтказилган тажрибаларда ALK мутацияси ёғларнинг тез сарф бўлишини кўрсатган.
