Либерия Ўзбекистон билан дипломатик алоқалар ўрнатган 154-давлат бўлди. Бу ҳақда Ўзбекистон ташқи ишлар вазири Бахтиёр Саидов хабар берди.
«Либерия Ўзбекистон билан дипломатик алоқалар ўрнатган 154-давлат бўлди. Либерия ташқи ишлар вазири Сара Бейсолов Нянти хоним билан бугунги учрашувда Қўшма коммюнике имзоладик. Икки мамлакат ташқи ишлар вазирликлари келгусидаги ҳамкорликнинг дастлабки кун тартибини мувофиқлаштириш ва ишлаб чиқишга келишиб олдик», – дея ёзган Бахтиёр Саидов.
