Хабарингиз бор, шу йилнинг 27 октябрь куни Ўзбекистон Республикаси Олий Мажлисининг Қонунчилик палатаси ҳамда маҳаллий Кенгашлар депутатлигига сайловлар бўлиб ўтади.
Марказий сайлов комиссияси сайлов компанияси 2024 йил 26 июлидан бошланишини эълон қилган эди ва сиёсий партияларни сайловда иштирок этишини қўллаб-қувватловчи имзо йиғиш жараёнига старт берилди.
Шу кунларда Ўзбекистон Халқ демократик партияси сайловда қатнашишни қўллаб-қувватлаш бўйича мамлакатимизнинг барча ҳудудларида имзо йиғиш жараёнларини амалга оширмоқда.
Бўлажак сайловда Халқ демократик партияси ҳам ўз номзодлари билан муносиб иштирок этишни мақсад қилган. Шу боис, партия томонидан сайловни ташкил этиш босқичининг муҳим таркибий қисми бўлган имзо йиғиш жараёни бошланди.
Бугун Термиз шаҳар “Саховат” маҳалласи, Шимолий дарвоза кўчаси 18-уйда жойлашган Имом Термизий халқаро илмий тадқиқот марказида Халқ демократик партиясини қўллаб-қувватлашни мақсад қилган фуқаролар партия томонидан ташкил этилган махсус жойларга шахсини тасдиқловчи ҳужжатлар билан (паспорт ёки ID карта) келиб имзо варақаларига ўз розиликларини билдирдилар ва имзо тўплаш жараёнлари уюшқоқлик билан ўтказилди.
