Бош вазир мамлакатда коронавирус эпидемияси бошлангандан кейин илк бор пойтахтдаги 2 та шифохонага 16 май куни ташриф буюрди. Сен-Пьер шифохонасида унинг кортежи жонлантириш бўлими томон йўналаётганда, йўл бўйлаб тизилиб турган шифокорлар ва ҳамширалар бош вазир автомобилига намойишкорона тарзда тескари ўгирила бошлашган. Вильмес шифохонага кирганда ҳам 120 га яқин тиббий ходимлар унга терс ўгирилиб, ўзларига қарсак чала бошлашган.

Тиббиёт ходимларининг бундай норозилик билдиришига уларнинг етарлича молиялаштирилмаётганликлари ва ҳукуматнинг тиббий ходимларни санитар инқироз ҳолатида иш вақтидан ташқари ишга чиқишга мажбурловчи қарори сабаб бўлган.

Ўтган икки ой ичидаги оғир меҳнат учун молиявий компенсациялар тўланиши ёки маошлар оширилишини талаб қилишганини, шундоқ ҳам шифокор ва ҳамширал иш вақтидан ташқари ишлашаётганини, ҳукуматнинг мажбурловчи қарорлари қаттиқ норозилик кайфиятини келтириб чиқаришини айтишган шифокорлардан бири.

“Бирор иш нотўғри кетаётганда эшитишни ва тушунтиришни билиш керак”, деб айтган бош вазир Вильмес. У тиббий ходимларни ҳам моддий, ҳам руҳий қўллаб-қувватлашга ваъда берган.

Касаба уюшмалари вакилларининг таъкидлашича, айнан Вильмес бюджет ишлари вазири лавозимини эгаллаган кезда тиббий хизмат кўрсатишга харажатларни кесиб ташлаган.

Таъкидланишича, Бельгияда тиббий ходимларга молиявий ёрдам кўрсатиш масаласи апрелдан бери кўрилмоқда, бироқ бу борада ҳали аниқ қарорлар қабул қилинмаган.

Охирги маълумотларга кўра, 11 миллионлик Бельгияда коронавирусга чалинганлар сони 55280 нафарни, ундан вафот этганлар 9052 нафарни ташкил қилмоқда. Мамлакатда вирусга тестлар касалликнинг оғир аломатларидагина ўтказилмоқда.