Uzbekistan Airports Тошкент аэропорти учиб кетиш зали ёнида содир бўлган ёнғин юзасидан маълумот берди.
Қайд этилишича, бугун, 6 июль куни соат 11:20 да Тошкент халқаро аэропорти вокзал олди майдонида янги “Терминал” кафесида ёнғин келиб чиққан.
Воқеа жойига зудлик билан аэропорт ва шаҳар ўт ўчириш бўлимлари етиб келган. Ёнғин соат 11:47 да ўчирилган. Ёнғин натижасида 5 квадрат метр майдонга зарар етказилган. Жабрланганлар йўқ. Дастлабки маълумотларга кўра, ҳодисага ошхонадаги кичик ёнғин сабаб бўлган.
“Тошкент халқаро аэропорти нормал режимда ишламоқда”, дейилади хабарда.
