Туркия пойтахти Анқарага ишлаш учун борган бир ўзбекистонлик ўзи билан нос олган экан. Нос билан Туркия аэропортларидан муаммоларсиз ўтган. Орадан 3 кун ўтиб носни чўнтагига солиб ишига кетаётган ўзбекистонлик полиция томонидан тўхтатилган. Туркиялик полиция ходими уни гиёҳванд модда гумон қилиб эгаси билан бирга олиб кетган.

Депортация марказига қамаб қўйилган ўзбекистонликни яқинлари адвокат ёрдамида чиқаришга қилган уринишлари ҳам самарасиз кетган. Ўртада адвокатга ҳам 70 минг лира (2125$) атрофида пул сарфланган.

Ниҳоят ҳибснинг қирқинчи куни элчихонага ёрдам сўраб мурожаат қилишган. Элчихонанинг аралашувидан сўнг ҳам 12 кун ўтиб, ўзбекистонлик қўйиб юборилган.