29 июнь куни БМТ бош котиби Антониу Гутерриш Марказий Осиё давлатларига сафар қилади.
Report сайтининг Америка бюросига кўра, у Ўзбекистон, Қирғизистон, Қозоғистон, Тожикистон ва Туркманистонга ташриф буюради.
Антониу Гутерришнинг ташрифи доирасида ҳар бир давлат раҳбари ва бошқа юқори мартабали ҳукумат амалдорлари билан учрашувлар режалаштирилган.
4 июль куни Остонада БМТ бош котиби Шанхай ҳамкорлик ташкилоти саммитида иштирок этади. Гутерриш ўз нутқида форум иштирокчиларига БМТ низоми ва Инсон ҳуқуқлари умумжаҳон декларациясига асосланган кўп томонлама тамойилларга содиқлигини яна бир бор тасдиқлаш зарурлигини айтиб ўтиши режалаштирилган. У бу саъй-ҳаракатларнинг марказида тинчлик бўлиши кераклигини таъкидлайди.
Антониу Гутерришнинг Марказий Осиё бўйлаб сафари 7 июль куни якунланади.
29-iyun kuni BMT bosh kotibi Antoniu Guterrish Markaziy Osiyo davlatlariga safar qiladi.
Report saytining Amerika byurosiga ko‘ra, u O‘zbekiston, Qirg‘iziston, Qozog‘iston, Tojikiston va Turkmanistonga tashrif buyuradi.
Antoniu Guterrishning tashrifi doirasida har bir davlat rahbari va boshqa yuqori martabali hukumat amaldorlari bilan uchrashuvlar rejalashtirilgan.
4-iyul kuni Ostonada BMT bosh kotibi Shanxay hamkorlik tashkiloti sammitida ishtirok etadi. Guterrish o‘z nutqida forum ishtirokchilariga BMT nizomi va Inson huquqlari umumjahon deklaratsiyasiga asoslangan ko‘p tomonlama tamoyillarga sodiqligini yana bir bor tasdiqlash zarurligini aytib o‘tishi rejalashtirilgan. U bu sa’y-harakatlarning markazida tinchlik bo‘lishi kerakligini ta‘kidlaydi.
Antoniu Guterrishning Markaziy Osiyo bo‘ylab safari 7-iyul kuni yakunlanadi.
