Пандемия муҳитида БМТ институт сифатида хотимага юз тутиши мумкин, деб ҳисоблайди Foreing Polisy нашри. Нашрнинг ёзишича, ташкилот етакчилик бўшлиғи кенгайиб бораётидан азият чекмоқда: бирор бир давлат, на АҚШ, на Хитой етакчилик мавқеани қўлга оляпти. Улар БМТни коронавирусга қарши курашда етаклаб кета олишмаяпти. БМТнинг бирорта ҳам инқирозни енгиш борасидаги  олға сурган йирик ташаббуси маъқулланмаган, бу эса ташкилот фаолияти  самарадорлигини шубҳа остига қўяди. Коронавирус бўйича таклифларнинг камёблигидан Франция Президенти Э.Макрон ташаббусни зиммасига олиб, БМТ хавфсизлик кенгаши таркибидаги бешта давлат билан саммит уюштириш ҳаракатига тушди, ёзади Foreing Polisy.

Нашрнинг қайд этишича, Парижнинг ташаббуси  БМТда ҳукм сураётган сиёсий бўшлиқни тўлдиришга уринишдир, чунки АҚШ дунёвий ташкилотчилик вазифасидан ҳориганлигини  намоён қилмоқда. Бироқ, Макроннинг таклифи АҚШ ва Хитой ўртасида, бир-бирларини коронавирусни тарқашига айбдор қилиш мунозараси ўртасида осилиб қолди. БМТ таъсир этиш салоҳиятини йўқотиб бормоқда. Жаҳон соғликни сақлаш ташкилоти 11 март куни пандемияни эълон қилгандан буён, БМТдаги бир қатор мамлакатлар инқирозни енгишга қаратилган режалар билан чиқишди, аммо бу таклифлар ё қаршиликка, ё бефарқликка дуч келди. Шундай экан,  АҚШнинг вирусни енгиш жараёнига етакчиликка руйхуши йўқлиги ҳамда Хитойнинг ўз ҳудудида вирусни енгишга етарли қарор кўрсатмаётгани шароитида БМТ тўлақонли натижа берадиган ташкилот сифатида қола оладими, деган саволни  юзага чиқармоқда. “Америкаликлар Хитойни вирус учун айблаб, ўзларини майдакаш қилиб кўрсатишди, аслида муаммони ечишга глобал жавоб ишлаб чиқиш зарур эди. Бир вақтнинг ўзида Хитой ҳам совуққон муносабатда тураверди, уларни кўпроқ ўзларига тегишли обрў-шаън қизиқтирмоқда”,-дейди дейди БМТнинг халқаро инқироз гуруҳи вакили Ричард Гоуан.