БААда ўтказилаётган Осиё чемпионатида биринчи ўринни қўлга киритган.
Ёшлар сиёсати ва спорт вазирлиги Матбуот хизматининг хабар беришича, айни кунларда БААнинг Ал-Айн шаҳрида шахмат бўйича ёшлар ва ўсмирлар ўртасида Осиё чемпионати ўтказилмоқда.
Мусобақада 41 та давлатдан 650 нафар шахматчилар иштирок этмоқда.
Таъкидланишича, Ўзбекистон шарафини ҳимоя қилаётган Умида Омонова блитс йўналишида 1-ўринни қўлга киритган.
«Шунингдек, яна бир ўзбекистонлик Даврон Шарипов 2-ўринни эгаллаган бўлса, Маликахон Жумаева ва Ҳуснорахон Ҳуснитдиновалар 3-ўрин соҳибига айланди»,- дейилади хабарда.