Талабалар ўз вақтида етиб келиши учун Бухоро ва Хоразмдан Тошкентга қўшимча автобуслар қўйилмоқда
2023-2024 йил ўқув йили бошланиши муносабати билан талабаларни ўз вақтида етиб боришлари учун бир нечта йўналишларда қўшимча автобус қатновлари йўлга қўйилди. Бу ҳақда Транспорт вазирлиги матбуот хизмати хабар қилмоқда.
Жумладан:
– Урганч-Тошкент
– Хива-Тошкент
– Бухоро-Тошкент
– Тошкент-Ғиждувон
– Тошкент-Қоракўл
– Тошкент-Шофиркон йўналишларда қўшимча автобуслар қўйилади.
Шунингдек, Вобкент, Жондор ва Олот туманларидан 2023 йилнинг 3 сентябрь кунига қадар қўшимча автобуслар қатнови йўлга қўйилмоқда.
Автобуслар чипталарини Урганч шаҳридаги автовокзалдан, Бухоро шаҳридаги автошох бекатидаги чиптахонадан ёки электрон тарзда харид қилиш мумкин.