ЖССТ ахборот бюллетени маълумотларига кўра, 13-30 июлгача бўлган 4 ҳафта ичида дунё бўйлаб 1 008 194 инфекция юқтириш ва 3 132 ўлим қайд этилган.
Ташкилотнинг таъкидлашича, ЖССТ томонидан 5 май куни эълон қилинган фавқулодда ҳолат режими тугаганига қарамай, COVID-19 ҳали ҳам хавфли бўлиб қолмоқда.
Шу муносабат билан мамлакатлар касаллик билан курашиш учун яратилган инфратузилмани қўллаб-қувватлашни давом эттиришга даъват этилади.
«Эпидемияни назорат қилиш, ҳисобот бериш, коронавирус вариантларини мониторинг қилиш, эрта клиник ёрдам, юқори хавф гуруҳларида кучайтирувчи эмлаш жуда муҳим», – дейилади бюллетенда.
Ғарбий Тинч океани минтақасида касалланиш ҳолатлари 38 фоизга ошган, қолган бешта ЖССТ минтақасида эса пасайган. Ўлим барча олтита минтақада, айниқса Европада 75 фоизга камайди.
Тўрт ҳафта ичида энг кўп касалланганлар Корея Республикасида аниқланган – 751 484 киши.
Ундан кейинги ўринларда Бразилия (45 642), Австралия (30 144), Янги Зеландия (23 443) ва Сингапур (23 216). Бразилияда энг кўп ўлим 13-30 июль кунлари қайд этилган – 695 та ҳолат.
Ундан кейинги ўринларда Перу (321), Австралия (260), Россия (251) ва Корея Республикаси (199).
