Гонконг маъмурлари коронавирус юқтиришнинг “ янгича усули” ҳақидаги фаразни илгари суришди. Уларнинг айтишига кўра, вирус канализация қувурлари орқали ҳам тарқалиши мумкин. Ушбу назария, касалликни юқтирганлардан бири 62 ёшли аёл, Ухан эпидемиясининг эпицентрига бормаган ва юқтирилган одамлар билан алоқада бўлмаганлиги аниқлангандан кейин илгари сурилди.
У билан алоқада бўлган ягона одам коронавирус билан касалланган 75 ёшли эркак эди. Эркак ва аёл таниш эмас, лекин ўша канализация уларнинг квартираларидан ўтган.
Бундан ташқари, 2002 йилда Гонконгда коронавирус тарқалиши пайтида, аллақачон канализация тизими орқали инфекция тарқалганлиги ҳақида хабар берилган. Шу муносабат билан, ҳокимият уй аҳолисининг бир қисмини эвакуация қилишга қарор қилди ва сув таъминоти ва канализация ҳолатини текширишни бошлади. Сув синовлари натижасида вирус аниқланмади. Бироқ, мутахассислар, квартиралардан бирида канализация тизими мустақил равишда қайта қурилганлигини аниқладилар, бу эса, эҳтимол, ҳожатхона унитазидан ҳаво чиққан деган хулосага олиб келди.
“Унитаз ҳаво трубкасига уланганлиги сабабли, ундаги вирус ҳаво орқали ҳожатхонага ўтиш эҳтимоли катта” , – дейди микробиолог Юэн Квок-Юнг.
Эслатиб ўтамиз, ХХР соғлиқни сақлаш бўйича давлат қўмитаси коронавирусни, нафақат, ҳаво томчилари орқали, балки кўзларингизни нотоза қўлларингизга тегизиш орқали ҳам юқтириш мумкин, деган хулосага келган.
12 февралда Хубей провинцияси ҳокимияти касалликдан 1068 киши қурбон бўлганини хабар қилди. Шундай қилиб, кунига Хубейда вирусдан ўлганалар деярли тўрт баробарга кўпайган.
Шунингдек, хитойлик шифокорлар Хубейда вирус умумий тарзда авж олганини қайд этишди – бир кунда 14,840 янги коронавирус инфекцияси қайд этилган, уларнинг 13,436 нафари провинция маркази Уханда. Шунга қарамай, коронавирус билан курашишга муваффақ бўлган беморлар сони охирги кунларда ўлим кўрсаткичидан тўрт баравар кўпроққа ошди.
13 феврал куни эрталаб 52 587 киши янги турдаги пневмония билан касалланган, улардан 8 204 кишининг аҳволи оғир, жабрланганлар сони 1368 нафарга етди ва 5 928 нафар тузалиб кетган.
Вирусни юқтирганлар бутун дунё бўйлаб ҳам аниқланган. Япония чет элда вирусни юқтирганлар сони бўйича “етакчилик” қиляпти, – деб хабар бермоқда Ридус.
