Коронавирус пандемияси даврида репродуктив даволаш кўлами маълум даражада пасайганидан сўнг дунёда кўп ҳомиладорлик ҳолатлари яна кўпайгани қайд этилди.
Тиббий усулларнинг такомиллашуви фонида бу тенденция ҳамма жойда кузатилмоқда, деб хабар бермоқда «Анадолу» агентлиги.
Коронавирус тарқалиши билан боғлиқ чекловлар фонида сўнгги бир неча йил ичида ИВФ (ин витро уруғлантириш) каби процедуралар сонининг камайиши кузатилди.
Қўшма Штатлар, Франция, Жанубий Корея, Хитой ва Туркияда тиббиёт йўлидаги чекловлар олиб ташланганлиги сабабли, кўп ҳомиладорлик кўпаймоқда. Ўша пайтда Буюк Британияда у пасайган.
Оксфорд университетининг Инсон репродукцияси журналида чоп этилган тадқиқот 2010 ва 2015 йиллар оралиғида 165 мамлакатдан эгизак ҳомиладорлик даражаси ҳақида маълумот тўплади.
Бу кўрсаткичлар 1980-1985 йиллардаги маълумотлар билан таққосланди. Тадқиқот шуни кўрсатдики, 1980 йиллардан бошлаб дунё бўйлаб эгизак туғилиш даражаси учдан бирга ошган, яъни ҳар 1000 туғилиш учун 9,1 дан 12 гача.
Туркия Статистика Институти (TUIK) маълумотларига кўра, 2019 йилда туғилганларнинг 3,1 фоизи кўп фарзандли бўлиб, уларнинг 96,4 фоизи эгизак, 3,4 фоизи уч эгизак ва 0,2 фоизи тўрт эгизак ва ундан кўп туғилган.
2019 йилда 3,1 фоизни ташкил этган кўп туғилиш даражаси 2020 йилда 2,9 фоизга тушди. 2021 йилда у яна 3,1 фоизга ўсди. Ушбу маълумотларга кўра, 2022 йилда туғилган 1 миллион 35 минг 795 боланинг 3,2 фоизи кўп туғилган.
